الهضبة عمرو دياب

انت بتفهم ايه في الفن يا ميدو علشان تقول عمرو دياب مش احسن واحد او اغلى واحد
ماتحكيش في الموضوع دا بجد علشان ماحدش يضحك عليك

(الليلا دي).. عمرو دياب يدافع عن عرشه

عمرو مبقاش لوحده..! من 10 سنين أو أكتر لما كان عمرو بينزّل ألبوم جديد، كانت كمية ونوعية المنافسة مختلفة تماماً عن وقتنا الحالي، الساحة الغنائية كانت أهدأ وكل واحد من الكبار ضامن مساحته اللي محدش بيزعجه فيها، ومكانش بسهولة حد جديد يطلع ويقول (أنا اهو)..

لكن في صيف 2007، عمرو دياب نجم التسعينات الأبرز أصبح مضطراً للدفاع عن مساحته ومكانه، بحسابات أعقد وأطول، في ظل وجود عدد هلامي من المغنيين، إن لم يكونوا قد وصلوا لربع مجده وشعبيته، فهم بالتأكيد قد اجتذبوا جزءاً لا يستهان به من جمهوره، لدرجة أن مغنياً مثل رامي صبري ظهر مرتدياً عباءة عمرو بكل بساطة وأريحية، والسوق مفتوح..

في (الليلا دي) وكأننا نرى عمرو مخاطباً جمهوره: "أنا عمرو بتاع زمان"، سواء بتشكيلة الأغاني التي لم يخرج فيها عن ألوانه الغنائية التي ألفناها عبر سنوات، أو حتى في البوستر الذي يظهر به مبرزاً وسامته بشكل لافت، متحدياً سنواته الخمسين التي اقترب من إكمالها، ومتحدياً أيضاً كل أولئك المغنيين الصغار الذين لا يهتمون كثيراً بقفل أزرار قمصانهم..

10 أغنيات بالألبوم كلهم من مقام موسيقي وحيد يسمى مقام (الكُرد)، لتشعر أن كل الأغنيات مثل ملابس مختلفة لكن من نفس القماشة، وهو ما قد يستدعي الملل أحياناً دون أن نفهم لماذا..

نجد أيضاً أن عمرو لا يزال يضع كلمات الأغاني في المرتبة الثالثة ربما، بعد الألحان والتوزيع، وهو أمر ليس بالجديد عليه، الأفكار والمعاني والمفردات عادية ومكررة أحياناً، رغم اختلاف الشعراء، وبكميات وافرة من مفردات مثل (حبيبي، حياتي، عنيا، روحي، قلبي)، وهو ما يدعم فكرة تخوّف عمرو من المغامرة بتجديد قد يكون صادم لجمهوره، خصوصاً في المرحلة دي لكن خلونا نأكد إن عمرو لا يزال في كامل لياقته الغنائية، صوته يعيش حالة نضج طويلة، نفس المستوى الجيد جداً من التوزيعات والتنفيذ وخللينا نقول الشياكة..

تقريباً الألبوم في أغانيه مقسوم بالتساوي بين الحالات الغربي والشرقي، وعندنا مثالين جيدين للشرقي من ألحان عمرو نفسه؛ هما (قالت لي قول) و(ضحكت).

أول ما ستلمحه في اللحنين هو إيقاع (المقسوم) الشرقي الذي نسمعه في عشرات الأغاني القديمة لعمرو، بأسلوب غناء شرقي يؤديه عمرو بامتياز.

الأغنيتان لا تميزهما الألحان فقط، بل أيضاً كلمات بهاء الدين محمد الذي أنقذ عمرو من الوقوع تماماً في فخ (العادي)، بكلمات بها حدوتة ودراما وفكرة جديدة الملحن الموهوب محمد يحيى اشترك بأربع أغنيات، ثلاثة منهم يتنافسوا في رأيي للحصول على لقب أفضل ألحان الألبوم، أولهم لحن (حكايات) الذي وزعه الموزع الاكتشاف حسن الشافعي بروح الـ Bossa Nova وهي إحدى مدارس موسيقى الـ Jazz العتيدة، ورصّعه يحيى بـ (حِلية) تسمى (كروماتيك) نسمعها مثلاً في كلمة (ليك): (مقلتهاش غير ليك)، والتي أضافت كثيراً للحن..

في لحن (خلليك معايا) أبرز يحيى بشطارة روح الكلمات، بنفس حالة النداء والمناجاة تلك، الذائبة في الشجن، لحن حلو قوي..

أما غنوة (روحي مرتاحالك) فهي السهل الممتنع، بلحن شديد البساطة ولكنه قادر على احتلال أذناك لفترة أما (عمرو مصطفى)، فلم يتميز من ألحانه الثلاث في الألبوم غير أغنية الهيد (الليلا دي) بإيقاع التانجو الهاديء الرومانسي، المتناسب مع الكلمات الهيمانة (الليلادي سيبني اقول واحب فيك.. وانسى كل الدنيا دي وغمّض عنيك)، لنستمع سوياً إلى الأغنية الرسمية للرقصة السلو في أفراح صيف 2007، على غرار أغنيات المواسم السابقة مثل (وماله)، (وحشتيني)..

نفس الجو ونفس الرقصة الجميلة في الحقيقة، رغم عدم خلوها من قصد تجاري..

ألبوم جيد في مجمله يمنح عمرو عبوراً واثقاً لهذا الصيف، رغم أنه يفتقد لبعض التجديد والجرأة في الكلمات والألحان وعدم الاعتماد فقط على (المتجرّب والمضمون)، جرأة كنا نتمنى أن تكون حتى بنصف جرأة بوستر الألبوم..

اللي زيك .. ء
و في حنانك .. ء
لما أقابله .. ء
الكلام يطلع أغاني .. ء
و تتكتب له .. ء
أحلى م الناس و غير كل القلوب .. ء
غير أي حبيبين اتقابلوا .. ء
غير أي حبيبين اتقابلوا .. ء
..

إنها حالة خاصة جدا ..ء
درجة فريدة في الحب ..ء
نادرة الوجود بين البشر ..ء
عزيزة الحدوث في حياة الإنسان ..ء
قصة عاية جدا ..ء
بسيطة جدا ..ء
كما يجب أن تكون الحياة ..ء
كما يجب أن يعاش الحب ..ء
و مع بساطتها و نقائها، فهي أصعب مرتقى في هذه الدنيا ..ء
و وسط تعقيدات الأفكار، و تناقض التفاصيل، و تغير الأحوال، و تقلب الاتجاهات ..ء
تاه الناس عن الوصول إلى هذه الدرجة .. إلى هذا النور الساطع المبهر ..ء
الذي يغمر كل دقائق الإنسان و تفاصيله ..ء
و يوحدها في نقطة واحدة ..ء
يمحو كل الآلام و ينسي كل الأحزان .. ء
حين لا يبقى إلا الامتنان و الوفاء ..ء

هذا الإحساس العميق الذي يتذوق الصمت قبل أن يتذوق الكلام ..ء
و يستشعر أقصى درجات الرقي و الحلاوة من كلمة احدة .. ء
كلمة عادية، يخرج منها كل الكلام، و يرددها الصمت على الدوام ..ء
و هي بينهما ليست ككل الكلام ..ء
ليست كما يرى الناس ..ء
ليست كما يفهم البشر ..ء
أحلى من الناس و غير كل القلوب .. ء
غير أي حبيبين اتقابلوا ..ء
غير أي حبيبين اتقابلوا ..ء
..

نقول إيه ! ء

الإيقاع المتواصل الثابت المستقر ..ء
الذي لا يتيح مكانا للكلام ..ء
و لا يترك مجالا للعقل إلا أن يذوب في هذه الوحدة المتكررة ..ء
العالية لأقصى درجة ممكنة ..ء
و عند الوصول إلى التشبع التام، تبدأ تفاصيل النغم في الدخول على استحياء ..ء
خطوط ضئيلة بسيطة متفرقة، لكنها تحمل طعما و تأثيرا أقوى بكثير في هذا الفضاء اللانهائي من السكون، و الثبات على الدرجة القصوى ..ء
و فجأة يتخلخل الإيقاع و تتلاشى شدته ليستبدل بأعذب نغمة يمكن أن تستحسنها الأذن بصوت الإنسان


نقول إيه .. خلاص أنا و انت حبيبي ما فيش حاجة نقولها
واصلين لدرجة حب ما حدش في الدنيا وصلها


و في ذلك كله لا يغيب عن الإحساس بنفس الرتم الأول الذي تبقى آثاره في الخلفية، و تبقى ذكراه تتردد في الأذن


أنا ليك و عمري ما أكون يا حبيبي غير ليك روحي شاغلها
دي الثانية و انتبعيد ازاي قلبي ها يستحملها


لا أستطيع أن أتوقف حتى لثانية واحدة للكلام و أترك هذا الشهود المتواصل الراقي ..ء
يشتد الشوق و يشتعل لإنهاء هذا الفاصل القصير قبل أن تخمد آثار الإيقاع الشديد، و يتصاعد الإحساس المتألق في ذروة غير معقولة ليعود لنفس الرتم مرة أخرى ..ء
يعود لينغمر في أنوار هذه القمة الفريدة، التي لا يحتمل أن يبتعد عنها أو يتغير عن شهودها لثانية واحدة ..ء


أنا ليك و عمري ما أكون يا حبيبي غير ليك روحي شاغلها
دي الثانية و انت بعيد ازاي قلبي ها يستحملها


لا يمكن وصف براعة استخدام الأدوات للوصول إلى هذا الإحساس و تأكيد هذا المعنى، سواء في وقت الثبات أو في لحظات الانتقال و الارتفاع الرهيبة .. ء

هذه الأغنية وحدها تنقل لك في أي مستوى يدور هذا الألبوم كله، حين يرمز الإيقاع إلى الإحساس المسيطر الذي لا يطيق الإنسان فراقه ..ء
الذي يذوب الإنسان فيه، و يختفي كل ما سواه، فلا يرى الكلام إن وجد خارجا عنه أو مشتتا له ..ء
بل يستوي الكلام و الصمت في التعبير عن هذه المعاني الفريدة ..ء


يا حبيبي أوصف فرحتي بيك ازاي صعب عليا
أكتر يا قلبي ما باحلم بقى ملكي و بقى في إيديا


هذه المرة لا يتوقف الإيقاع لحظة واحدة خلال الكلام، و كل الكلام في الأساس هو تعبير عن عدم القدرة على الكلام !ء
عدم القدرة على الوصف و الشرح ..ء
لأن الحقيقة أعظم من أن توصف بل تشهد ..ء
و الفرحة لا تقيد بل تطلق ..ء
لأنها على درجة لا تقبل الحصر و التفصيل ..ء
لا تقبل التداخل و التراكب و التعقيد ..ء
لا تقبل المقدمات و النتائج ..ء
لا تقبل الماضي و الحاضر و المستقبل ..ء
إنها نقطة واحدة و كفى ..ء

و يأتي المقطع الثالث في الأغنية غير منطوق باللسان، فينساب اللحن الشرقي القريب إلى نفوسنا المألوف على آذاننا، الذي يحمل في طياته و حناياه و التفافاته و تنهداته ألف معنى و معنى من مكنون عرفاننا و وفائنا و عطفنا و شجننا و إيماننا و يقيننا الذي انطبع على سمات الموسيقى في تراثنا ..ء

و توظيف الوتريات عند الشافعي عامة له بصمته الخاصة، حين تتخلل الخلفية بخفاء و إتقان دون أن تشعر بها مباشرة من الوهلة الأولى، الظهور الصارخ للكمان الشرقي في نهاية الأغنية لم يكن مفتعلا لأنه متواجد على طول خط الأغنية، منسحبا في الخلفية تاركا للإيقاع دور البطولة – سمة هامة جدا لأغلب توزيعات هذا الألبوم، الإيقاع عادة يكون هو اللاعب الرئيسي، و ينخفض دور الصولوهات و الأدوات المساعدة إلى الحد الأقصى، و يتغير توظيفها لتعطي لمسات خفية مؤثرة دون أن تظهر في المقدمة أو تتابع بالأذن – إيقاعات الألبوم في الغالب إيقاعات ذات رنات صوت طبيعية و مميزة جدا، اختيار نوع الترايبل هاوس لأغنية نقول إيه لم يأت هباء، حيث يبدو فيه الإيقاع طبيعيا يدويا كطبول القبائل و إن تم تصنيعه إلكترونيا..ء
لمسات كثيرة في بوستر الألبوم أكدت على معنى الإحساس بالطبيعة و بساطتها و نضرتها الذي يشيع في توزيعات الألبوم ..ء

و حين تنخفض شدة الإيقاع فجأة لفترة أقصر بكثير مما مضى تتصاعد حرقة الشوق في لهفة لتعود إلى نفس الانسجام ..ء

دي الثانية و انت بعيد ازاي قلبي ها يستحملها


و تدوي الآهة من بعيد مختفية و نحن نرحل عن المكان على غير رضانا لتثير جنوننا و شغفنا بهذا الحال الرائع الذي يفارقنا و نحن في أشد الحاجة لاستمراره، و يبقى في كل النفوس إحساس بالنقص و عدم الشبع و الاكتفاء ..ء
دون أن ندري أنه على وجه الحقيقة لا يمكن الري من هذا البحر أبدا، مهما أطلنا الوقوف ..ء
و لا يمكن الوصول إلى الكمال في هذا الحال إلا بالبقاء فيه ..ء
إلى الأبد ..ء

..


يسحبنا الألبوم بعد ذلك كل حين و آخر بالذكريات إلى ما مضى (حكايات عمري اللي فات معاك) ، و كلما تقدمنا في الألبوم كلما توغلنا في القدم حتى نصل إلى أقدم ما يمكن أن تصل إليه الذكريات في هذا الألبوم، و الذي فتح الطريق لأول مرة لهذا الاتجاه، و كان البداية للعمر الحقيقي و الحياة – الضحكة ..ء
و نعود خلال ذلك كل حين إلى الحال الأصلي المستقر الذي رأينا أشد وجوهه في نقول إيه، و لكن لنشهد المزيد من أحواله و أحاسيسه، حتى نصل إلى الختام بأكثر أحواله تأثيرا في المشاعر و الوجدان بعد أن جمعت العمر كله في كفة، و ينساب اللحن الخالد حاملا الإفصاح عن المعنى المكنون من البداية في كل هذا الكلام، و سبب هذا التكرار و الابتهاج ..ء
عارف بتعمل فيا إيه كلمة حبيبي
زي اللي أول مرة بيحس بأمان

خليك معايا ..ء

ويـــــــــــــاه

دخول الاغنية تحفيز المستمع تخليك مستعد للدخول فى اغنية مليانة فرحة

طبقة صوت عمرو فى الاغنية تسـاعد على كده

ده اللى كــان نفــسى فــيه .. حـلم اتحققله بداية موفقة مليـانة

فـرحـة ..

ويــاه الحـياة احـلى وانا معــاه قدريوصل مستمع الاغنية للحالة

المطلوبة ..

ساعد على كده ايقاع التكنو والترانس فى الاغنية

ايوه هاقول واعيد ماهو بقا جانبى ومش بعيد فرحـة قلـبى كـانه عيد

مستنيه .

ده اسمه الوصول لاحساس المستمع بابسط الطرق

وعـلى عكس اغنية نقـول ايه اللى ظهر براعة الموزع فى بدايتها

جات ويــاه براعة التوزيع فيها فى النص الاخير من الاغنية

خـرج بطبقة عالية من صوت عمرو لايقـاع هادى جدا استخدم صوت عمرو

وتدرج طبقات صوته

عشـان يرجع الاغنية تانية لتوزيعهـا وقدر يخـرج من الاغنية بابسط الطرق


****************************


بــقدم قــلبـى




الاغنية دى فـى رأيى من اقوى اغانى الالبوم فى التجديد اللى عمـرو

معودنا عليه فى كل البوم

تجديد فى الكلمـات تعبر عن حـالة انسـان اول مرة يحـب ( الحـب الاول )

انا ماكانش الحب عمــره فى نيتــى وانا معــاك غيرت رأيي وفكرتى اه يا حبيبى

لاقيت فى حبك فرحتى

ايقـاع لاتينى هادى جدا بين اخـتلاف طبقـات صوت عمرو فى كل جزء فى الاغنية

اجـمل مافـى الاغنية دخـول الكورال بجمـلة ( انا ماكانش الحب عمره فى نيتى وانا معـاك )

طبقة صوت عمرو فـى ( غـيرت رأيى وفكـرتى ) والتدرج من الطبقة العالية

للخروج من الجملة

الكوبلية التانى فعـلا بيأكد جمال اول حـالة حب يصدفها الانسان فى

حيـاته

انا بحبك قد كل الدنيا دى ولا قد الشمس والليل والهوا من النهاردة

قدرت اعـرف قد ايه

انا بحبك قد كل دول سوا ...

الجملة دى مادخلتش دماغى بسهولة حسيت انها مش قوية يعنى كان ممكن يقول

( انا بحبك اكتر من روحى وعمرى او كلام من التقيل ده )

بس فكرت فيها( لما حبيت اول مرة وواقف قدامها اول كلمة هاتقولها ايه؟)

فعرفت قوة الجملة دى فين فى بساطتها وعدم التكليف فيها عشان تلاءم

حالة الحب الاول

من اجمـل الاغــانى اللى تعبر عن فرحة الحب اول مرة وهو للعلم اجمل حالة

بيعيشها الانسـان فى حيـاته

ومابينســاش ذكريتها الا فى حالة واحدة هاتوضحهلنا باقى الاغانى



****************************

كله الا حبيبى


خطـاب شديد اللهجة يقدمه الحبيب دفاعا عن حبيبه فى الكلمة دى بس

يتحدى الدنيا دفاعا عن حبيبه .. وتؤكد شدة وعمـق هذا الحـب ( انا

ليا مين فى الدنيا بعد حبيبى )

قبل سماع الالبوم كونت معترض جدا على تغير التوزيع

لكن بعد سماع الالبوم كامل عرفت الاسباب اللى دفعت عمرو لتغير التوزيع

وهى كالتالى

اضـافة ايقاع شرقى لجعل الالبوم شامل كل الاشكال الموسيقية ( الغربى

واللاتينى والشرقى )

التوزيع الشرقى ابرز جمال كلمات الاغنية وبين اختلاف طبقات صوت عمرو بين

طبقة عالية اعتراضية ( كله الا حبيبى )

طبقة اقل منها لتشمل حنية الحـب ( هو حلم حيـاتى واللى بتمناه واللى عشت ليالى العمر بستناه )

من اجمل الاغانى التى تعبر عن شدة حالة الحب وتحدى اى مشاكل تفرضها اى

عوامل خارجية

****************************

الـله عــلى حــبك انــت



كلمة تعلم على مدى سنين وبعد الاغنية دى هايفضل يتناقلها اى حبيبين

تجديد فى ايقاع التكنو باضافة كورد سبانش فى الباك ساوند

الاغنية عندها ميزة مش غريبة على ديـاب ميزة الجملة الشارخة بمعنى

بمجرد انتهاء عمرو من غناها تلاقى نفسك بترددها وراه ( الله على حبك انت ما بحبش غيرك انت والدنيا عندى انت والدنيا عليك شوية )

اغنية مناسبة جدا للغزل بين حببين وهو ده فن ديـاب المحترم باستخدام الغزل العفيف فى كلمات اغانيه

ضحكة عينك لعينى .... الله الله ياعينى ... من يوم ماشافتها عينى بتلف الدنيا بيا

واخد قلبى بحنانه ...... وماحدش خد مكانه ... والشوق والحب بانه فى الليلة الحلوة ديه

عاشق صوته وكلامه .... عايش على احـلامه ... ما اعرفش ليه قدامه بتلف الدنيا بيا

وعمرو بطبقات صوته اضـاف على الاغنية الفرحة الموجودة فى اللحظة دى

تجديد وضح فى كلمات لم نعهدها فى فن ديـاب نفسه




****************************

صدمـة المستمع

يـهـمـك فـى ايه

اغنية صادمة بكل المقاييس بعد حـالة من الحب جمال لحظاته بما فيها

فـرحة . تقديم القلب للحبيب . تحدى اى اخطـار ضد حبيبه . غـزل

الانتقـال بالمستمع فجـأة لحزن وقسوة جــرح الحبيب صدمة بكل المقاييس

يهمـك فى ايه . امــوت ولا اعــيش . كلمة تبين درجة الجرح اللى ممكن ينهى اى علاقة

خـلاص انجرحـت لدرجة انـك نسيت اى حاجة بينكم ده واحد انت ماتعرفوش !!!

واهه كـل واحد يعمل اللى يريحه وانا راحتى فى فـراقـك !!!

نفــسك تسـمع ايه شــوية كـلام . تــريح ضميرك بيه ! وهاتفيد بأيـه روح شوف حيــاتك جــرح قلبى سمحــت فيه

كلام يـدل على قسوة جرح الحبيب ( جــرح = فـــراق ) من غـير اى تفـاهم او اى كـلام وعـلى الرغم من قسوتك

سامحتــك بس ما ينفعـش انـى ارجعلك او اسمعك كـلام ترضى بيه ضمــيرك ومالكش اى مبرر لجرحى .....

شـدة الحـب = شدة او قسـوة الجـرح اللى هاتتعرضله فى الحـالة دى ( لو حصـل لاقدر الله )

وده اللى قدر عمـرو يوصله فى الاغنية دى بعد باقى الاغـانى اللى عبرت عن قوة الحـب

احســاس عمرو فى الاغنية - طبقة الصوت الحزينة - طبقـات صوته فى الاغنية قدرت توصـل المستمع

لحـالة صدمـة - حــزن - قلب عليك المواجع - حذر كل اللى بيحبه من قسوة جرح الحبيب

لحـن وتوزيع الاغنية اكـثر من رائع . اضافة كوردات الاليكتريك جيــتار عبرت عن حـالة ( الغضب الحــزين )

بصراحة يا جماعة طبقــات صوت عمرو فى الاغنية دى عاوزة موضوع لوحده عشان اخد راحتى فيه هههه

اغنية يهمك فى ايه .. توصل للمستمع من


1- حالة عاشهـا فعــلا وجـاءت الاغنية تقلب عليه المواجع
2- تحذير لكل حبيب شدة الحب = شدة الجرح المتوقع
3- لو كونت انت السبب فى الجرح ده هاتحسسك بقسوة فعلك

وفـى التلت حـالات . اصـابتك بصدمــة !




***************************

يا ميدو ماتزعلش مني لو بتفهم في الفن رد على الكلام اللي انا كاتبه

ــــــــــــــــــــــــــــــــــــــــــــــــــ ــــــــ
عارفين طبول الحرب اللى بتدق قبل الحرب ما تبدأ ؟
عمرو دياب نزل اغنية .. أشبه بالحرب ... معمعة .... جيييييييش من الميوزيك
آلات جديدة ونوع ميوزيك مش متعودين نسمعه كتير
الاغنية هي ( حلوة الايام ) .... بصوا يا شباب

اسمعوها .... ولاحظوا الآتى واتمنى تبقوا مشغلينها دلوقتى .. لاحظوا كدة الاتى :
أولا وقبل أى حاجة الميوزيك دى كلها اسمها COUNTRY MUSIC
النوع دة مش بيتعمل عندنا فى مصر كتير بل يكاد يكون منعدم

من اول الاغنية لحد الثانية 16 ... جيتار كهربائى بيتلعب وكإن يعتبر طبول الحرب اللى هتدخل بعدها
الـ 16 ثانية دول منقسمين لجزأين
من 1 : 10 جيتار كهربى اللى بيستعمل فى الاغانى الميتال والديفل. مفيش حاجة بتشتغل معاه .
من 10 : 16 دخل عليها صوتين تانيين استعدادا للى هيدخل .
من اول الثانية 17 بقى يا معلم حاول تلاحظ جيش الميوزيك اللى دخل هجووووم عشان يقدم صوت الكينج الهضبة .. الصوت اللى من الصعب نشوف زيه فى الوقت دة . بيغنى وهو رافع راسه وبيبص للسما .... صوت يخلى المهموم ينصت ليه ويستمع ليه ... يخلى الواحد يخرج من موده الكئيب ... الاغنية فيها توزيع مش ممكن مش ممكن . الميوزيك اللى دخلت دى ميوزيك صاخبة تخلى الواحد ينبهر جدا .. انا سمعتها اول مرة كنت مهيبر بطريقة غريبة ... كنت هتجنن وحمدت ربنا انى كنت لوحدى فى الاوضة كنت هضحك الناس عليا .

الدقيقة 3.06 بتبدأ ميوزيك اسمه سامبا سلو SAMBA SLOW ودى لما تسمعها وانت مغمض عينيك على طول هتسافر شواطيء البرازيل .
وهي دى الميوزيك الصيفى اللى عمرو الوحيد فى العالم بينفرد انه بيعرف يصنعها .

عاوز اتكلم كتير بس هسيبلكوا المايك تتكلموا انتوا

نيجى بقى للكلمات الغريبة اللى عمرى ماشوفت تقسيمة زيها .... عمرو دياب عمل تقسيمة اول مرة تتعمل فى مصر من اول عبد الحمولى وام كلثوم لحد دلوقتى متعملتش . لاحظوا معايا التقسيمة دى

دى الكلمات مبدأيا
اوعدني هتفضل طول العمر في دنيايا
ديه حياتي عايشها في جنه طول ما انت معايا
ايام حلوه الايام يا حبيبي معاك ولا في الاحلام

من اول مره قبلتك وعرفتك فيها
ولقيت الدنيا الحلوه الي انا بحلم بيها
ايام حلوه الايام يا حبيبي معاك ولا في الاحلام

ايام بتفوت يا حبيبي وبتعدي علينا
وكاني بعيش انا وانت في دنيا لوحدينا
ايام حلوه الايام يا حبيبي معاك ولا في الاحلام


الأغنية مفيهاش مذهب

الاغنية عبارة عن الاتى ( كوبليهات + سينيو )
كوبليه
سينيو

كوبليه
سينيو

كوبليه
سينيو

وشوفوا الاغنية طالعة ازاى

صوت = 100 % جامد ، نقى ، مفيهوش غلطة ولا بحة كدابة ، مبهج وحنجرة قوية .

كلمات = واحد بيحب واحدة هيقولها اية تانى زيادة عن اللى فى الاغنية .؟ ... منكرش انه كلام بسيط بس هو دة عمرو ودة الكلام اللى وصل بيه للعالمية .. كلام مفيهوش تعقيد ولا حوارات ... كلام صريح وجايب م الاخر يا جدعان .... كلام مفيهوش قلة أدب ولا حاجة الواحد يخجل منها .... كلام سهل فى معناه صعب فى غناه .

اد اية انت عظيم يا عمرو يا دياب

---------------------------------------
اغنية
لازم تكون محضر نفسك قبل ما تسمعها وتكون محضر مناديل عشان هتعيط ... دة صحيح
صوت باحساس = مليوووون فى المية
كلمات = 100 %
لحن = 100 %
توزيع = 90 %
اى اغنية تحتاج اية تانى اكتر من كدة ؟
الاغنية دى هيا ( وحياتى خليكى )
انا بعتبرها من أقوى الاغانى اللى غناها عمرو دياب من عام 1988 لحد 2009 .
كلماتها كالعادة ... بسيطة عشان كدة تتصدق بسرعة ... تأليف : عبد المنعم طه . الراجل دة جندى مجهول يا جماعة ... ياما عمل أغانى لعمرو مش بيتذكر اسمه كتير مع انه فظيع فى كلامه وفى احساسه .
الالحان : تلحين عمرو دياب .... .
.
الاغنية ( وحياتى خليكى ) فظيعة .... اه والله

مهى الاغنية اللى تخليك تعيط وتسرح ... تبقى اكيد نجحت فى اداء رسالتها ووصلت لأذن الناس بسرعة وبأقصر الطرف .
نفس الفكرة بتاعت اغنية عمرو اللى اسمها ( قبل الوداع ) بس دى متطورة اكتر
عمرو دياب بيقول لحبيبته ( وحياتى خليكى ) مستعين ببعض الكلام اللى يخلى اى قلب جافى انه يلين ويرق .

حياتك غالية عليا يا هضبة

حياتك غالية عليه وعليها وعلى كل العالم كمان
--------------------------------
واحد مرتبط بواحدة ... وسابوا بعض وعشان ميخسرهاش اتفقوا انهم يبقوا اصحاب
والاتنين معرفوش انهم هيتعذبوا بسبب قرارهم دة
هو قبل غصب عنه وهيا قبل غصب عنها ومحسوش بالعذاب اللى هيحصلهم غير لما شافوه
لما هو بيشوفها مع حد تانى بيغير عليها ... وهيا بتطول فى كلامها مع الحد التانى لما تلاحظ ان حبيبها شايفهم
لكن هيغيروا على بعض ازاى ؟ ..... مهو مفيش غيرة وعتاب بين الصحاب
( آآآه م الفراق )
مسلسل ... فيلم ... قصة .. رواية
سميها زى ما تسميها انا شخصيا مسميها اغنية ( اه م الفراق )
كلمات العبقرى : بهاء الدين محمد ... تلحين الملحن : عمرو دياب
شوفوا كلماتها معايا


اه من الفراق
الي يتفقو الحبايب فيه يبقو صحاب
اه من الفراق
اللي بنشوف الحبايب ده اصعب عذاب

وفقتو غصب عني ، ووافقني غصب عنو
مبنش ضعف منى ، ومبنش ضعف منو
ومشينا كل واحد ورابط الاتفاق
وبان حزنو كله وضعفو لما فاق

وياعيني علي اللي كان بيحب التاني اكتر
بيهرب من المكان وبيبقي عذابو اكبر
ويعيني علي اللؤا من غير غيرة عتاب
ده مفيش بين الصحاب غيرة وعتاب


دلوقتي لقانا هادي قال يعني شوقنا غايب
ويبان كلامنا عادي ... مع انه كلام حبايب
وان شوفتو وياه غيري يطول في السلام
وشفني شايفو يعند ، ويطول في الكلام

وياعيني علي اللي كان بيحب التاني اكتر
بيهرب من المكان وبيبقي عذابو اكبر
ويعيني علي اللؤا من غير غيرة عتاب
ده مفيش بين الصحاب غيرة وعتاب


يمكن الكلام دة ميحسهوش غير المؤلفين او موهوبين التألأيف بالاخص
ممكن لو عملت التوبيك دة برة القسم دة ... محدش هيفهم معنى الكلام دة

أوزان اية دى ؟ .... مش ممكن فظيعة
قوافى اية دى ؟ ..... نهاره ازرق بهاء الدين محمد بجد
الفاظ جديدة ... فكرة جديدة متعملتش بالحرفية دى
إفيهات استحالة
احساس ..... اتقان
اغنية معمولة بالقلم والمسطرة
مش هقول كل اللى عندى عشان بقية اللى عاوز اقوله انت اللى هتقولوه

التوبيك مفتوح يا شباب
عاوز تفاعل يليق بالهضبة
يليق بالصرح العظيم ( موهوبين التأليف )

----------------------------------
انا بحبك اد كل الدنيا دى
وللا اد الشمس والليل والهوا ؟
والنهاردة قدرت اعرف أد ايه
انا بحبك أد كل دول سوا


ــــــــــــــــــــــــــــــــــــ
انا بقدم قلبى
+
يهمك فـ إيه ؟
+
حلوة الايااام
+
وحياتى خليكى
+
وياه
+
طمِّنى
=

ـ مبيعات فى خمس ايام 3 مليون و217 ألف نسخة

ـ ميوزيك اوورد واعتقد عمرو هيرفضها المرادى عشان زهق منها

ـ سكتة قلبية لـ 4 مطربين ومصرع 2 مطربين
ـ إشهار إفلاس 3 شركات إنتاج

ـ اعتزال مطربتين و4 مطربين
ـ زيادة محبين عمرو دياب من 19 مليار إلى 250 مليار

ـ إنعاش سوق الكاسيت فى العالم

كفاية كده يا ابني
عمرو دياب غني عن التعريف مين في الدنيا دي ما يحبش عمرو دياب
لعلمك ميدو بيحبه بس مش عاوز يقول

[center]اه من الفراق
الي يتفقو الحبايب فيه يبقو صحاب
اه من الفراق
اللي بنشوف الحبايب ده اصعب عذاب

وافقتو غصب عني ، ووافقني غصب عنو
مابانش ضعف منى ، ومابانش ضعف منو
ومشينا كل واحد ورابط الاتفاق
وبان حزنو كله وضعفو لما فاق

وياعيني علي اللي كان بيحب التاني اكتر
بيهرب من المكان وبيبقي عذابو اكبر
وياعيني علي اللقا من غير غيرة عتاب
ده مفيش بين الصحاب غيرة وعتاب


دلوقتي لقانا هادي قال يعني شوقنا غايب
ويبان كلامنا عادي ... مع انه كلام حبايب
وان شوفتو وياه غيري يطول في السلام
وشافني شايفو يعند ، ويطول في الكلام

وياعيني علي اللي كان بيحب التاني اكتر
بيهرب من المكان وبيبقي عذابو اكبر
وياعيني علي اللقا من غير غيرة عتاب
ده مفيش بين الصحاب غيرة وعتاب

[center]

ايه يا حجوج انا مش هضربه انا بعلمه غلطه بس هههههههههههههههههههههههههههههههههه

انت هدخل القرأن في الموضوع دا ليه يا ميدو بلاش لبخ
وبعدين انا قولت اغلى
انا قولت عمرو دياب احسن مطرب عربي
ماقولتش الشيخ عمرو
وبعدين انا قولت هضربك دانا بهزر
ولو مش عايزني اهزر قول
وبعدين يا سيدي لو عندك اعتراض ان احنا مابنتكلمش هنا غير عن عمرو دياب فاطلع بره الفولدر هتلاقي الكلام واضح مكتوب عمرو دياب الهضبة يعني فولدر خاص لمعجبين عمرو هنا في المنتدى مش المعترضين
ومن حق اي حد يرد على تعليقاتك.
وياسيدي لو مابتحبش عمرو دياب ماتدخلش في الفولدر بتاعه..انت حر

لا يا معلم مش زي اي مطرب دا على جنب كدا

ميدو رعد كتب:

ومحدش يقدر يضربنى على فكره بس بجد فعلا مش اغلى حاجه هى عمو دياب اغلى حاجه فى العالم هى القران ودى قريتها فى المكتبة هتلاقى كتير فى المكتبات

============
صباحو ابيض يا ميدو واحنا ما نقدرش على زعلك لكن الموضوع أساسا عن الهضبة عمرو دياب
مع احترامنا الكامل للقرآن الكريم الذي هو ربيع قلوبنا وجلاء همومنا اللهم اجعلنا من حفظة القرآن يارب

Mohamed brakat كتب:

لا يا معلم مش زي اي مطرب دا على جنب كدا

انا شايف ان الموضوع كبر عن اللازم وأصلا مافيش أعضاء بيتابعوه غير ميدو
ومافيش داعي لهذا الموضوع وكفاية كده